AKTUALITET, 22 Qershor 2024, 17:32

“Një skemë mashtruese ka dëmtuar disa persona”, Rama thirrje qytetarëve: Shmangni kurthin e kësaj loje kriminale

“Një skemë mashtruese ka dëmtuar disa persona”, Rama

Kryeministri Edi Rama është shprehur në një reagim në rrjetin social “X’ se një lojë mashtruese me kompjutera që imitojnë numrin e telefonit ka dëmtuar disa persona deri më sot.

Sipas tij autoritetet kanë ndaluar dhe çuar para drejtësisë disa prej këtyre mashtruesve, të cilët kanë arritur të marrin para prej të dëmtuarve.

Rama u bëri thirrje qytetarëve që teksa policia vazhdon punën e saj për identifikimin e të tjerëve, të verifikojnë paraprakisht vërtetësinë e dërguesit nëse marrin mesazhe në emrin e personave publikë.

REAGIMI
Një lojë mashtruese me kompjutera që imitojnë numrin e telefonit ka dëmtuar disa persona deri më sot. Policia e Shtetit ka ndaluar dhe çuar para drejtësisë disa prej këtyre mashtruesve, të cilët kanë arritur të marrin para prej të dëmtuarve. Por ndërkohë që policia vazhdon punën e saj për identifikimin e të tjerëve, u sugjeroj të gjithë atyre që marrin mesazhe në emrin e personave publikë, të verifikojnë paraprakisht vërtetësinë e dërguesit, që të shmangin kurthin e kësaj loje kriminale.