TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka njoftuar se punimet në Banjat e Bënjës po vijojnë me ritme të shpejta dhe shumë shpejt kjo pasuri e rrallë natyrore do të ofrojë standarde moderne, duke ruajtur njëkohësisht vlerat historike dhe mjedisore që e bëjnë unike.
Sipas tij, projekti përfshin sistemimin e zonës së parkimit, ndërtimin e korsive të biçikletave, krijimin e ballkoneve panoramike mbi kanion, organizimin e hyrjes, ndërtimin e banjave publike si dhe një qendër shëndetësore.
“Një transformim i plotë që e çon turizmin në një tjetër nivel”, theksoi Rama.
Aktualisht ka nisur edhe faza e arredimit, vendosjes së parvazeve të shkallëve dhe shtrimit të dyshemesë me dru dekorativ pranë vaskave, për të krijuar një pamje më estetike dhe në harmoni me natyrën përreth.
Investimi i Qeveria Shqiptare po zbatohet nga Fondi Shqiptar i Zhvillimit, në bashkëpunim me Agjencia Kombëtare e Zonave të Mbrojtura dhe Bashkia Përmet, duke synuar rritjen e cilësisë së infrastrukturës turistike dhe promovimin e qëndrueshëm të zonës.
