TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Luis Gaxhi dhe Rigers Spahiu, të arrestuar vetëm pak ditë më parë nga policia e Elbasanit, janë lënë në burg nga Gjykata.
Ata dyshohen se, synonin të kryenin vrasje në qytetin e Elbasanit, pasi policia i zbuloi arsenalin e armëve.
Luis Gaxhi është mik i ngushtë ndërsa Rigersi vëllai i Arjan Spahiut, i ekzekutuar në Belgjikë kohë më parë.
Në dosjen hetimore thuhet se Luis Gaxhi kishte vetëm pak ditë që kishte mbërritur nga Belgjika ku kishte vuajtur një dënim për drogë.
Ai u arrestua jashtë banesës dhe gjatë kontrollit nga uniformat blu në shtëpinë e tij u gjet një sasi prej 5 kg e gjysmë heroinë.
Hetuesit sekuestruan telefonin e tij dhe e këqyrën atë më shpresën për të zbuluar personat që mund të blinin lëndë narkotike prej tij.
Mes të tjerash, në celular u gjetën fotot e dy biznesmenëve të Elton Kilës (Otit) dhe Abedin Mamës i njohur me nofkën “Dine Çami”.
Të dy personazhet ishin të njohur për policinë, pasi sipas dëshmisë së Nuredin Dumanit, i penduar i drejtësisë, ai kishte marrë porosi për të vrarë Elton Kilën, ndërsa Dine Çamin ai e akuzon për përfshirje në disa krime të rënda. Mbi bazën e dëshmisë së Dumanit, Dine Çami është në kërkim në kuadër të operacionit “Plumbi i Artë”.
Rezulton se Dine Çami ka lidhje me Mikael Kamamin, ky i fundit i shpallur në kërkim si një nga autorët e dyshuar të vrasjes së trefishtë, në atë që njihet si masakra e Bradasheshit, ndërsa me Elton Kilën, ai kishte përplasje të tjera që lidheshin me çështje të drogës, raporton News 24.
