TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kuvendi i Shqipërisë u mblodh një ditë përpara ditës zyrtare për të debatuar për dy ditë buxhetin e vitit 2023 dhe për të kaluar projektligjet e qeverisë. Që në fillim seanca plenare pati debate të ashpra, me ofendime personale mes kryeministrit Rama dhe deputetëve të PD-së, të cilët kundërshtuan futjen me urgjencë në votim të projektligjit për portin e Durrësit, që u miratua me 62 vota pro dhe 19 kundër. Opozita kundërshtoi që të futej me procedurë të përshpejtuar projektligji i projektit që kushton 2 miliardë e 100 milionë euro. Rama e mbrojti projektin si një investim të paimagjinuar ndonjëherë për Shqipërinë, ndërsa sipas tij opozita ‘e shitur’ sulmon pasi ka marrë para ruse dhe i sulmoi si ‘të pafe, të pafytyrë e bedelë’.
Në momentet kur nuk u përfshi në debate me fyerje personale me kundërshtaët politikë, si ai me deputetin Dash Sula që e cilësoi “Gjel Peqini”, Rama piu me ëndje një kafe dhe në një moment u pa edhe sikur shikonte filxhanin e boshatisur. Ndërsa më pas iu kthye pëshpërimave me ministret në krah, fillimisht me Elisa Spiropalin dhe më pas me Belinda Ballukun, siç shihet në fotot e kapura nga LSA.
