TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mimoza Kusari-Lila, shefe e Grupit Parlamentar të Lëvizjes Vetëvendosje, ka pyetur kryeministrin e Shqipërisë, Edi Rama se çfarë hapi duhet të bëjë Kosova për ta de-eskaluar situatën në Veri.
Ajo ka thënë se “Kosova nuk mund ta ndalë sundimin e ligjit“.
Kusari-Lila, ka vlerësuar kryeministrin e Ramës për mbylljen e projektit të Ballkanit të Hapur. Por ajo thotë se Kosova nuk po bën asnjë veprim që e destabilizon Veriun.
”Mua më intereson cili është parimi i këtyre kritikave, e lexova deklaratën e kryeminsitrit Rama që thuhej që Kosova nuk po bën hapa për de-eskalim. Cili është hapi që Kosova duhet të bëjë për de-eskalim, ta ndalë sundimin e ligjit, të ndikojë Qeveria jashtëligjshëm që kryetarët të dorëhiqen – ata mund të tërhiqen në rast se hidhen nënshkrimet prej 20% të qytetarëve që kanë të drejtë vote“, ka deklaruar Kusari-Lila.
Më tutje, ajo ka thënë se kryetarët shqiptarë në Veri mund të japin dorëheqje vetëm nëse e vlersojnë si veprim të duhur, duke nënkuptuar se nuk do të ketë presione politike mbi ta.
”Dorëheqja është akt që bëhet në vlerësimin e tyre, nuk është dorëhqja që mund të vije në si presion politik“, ka deklaruar ajo për Euronews.
