TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjendja shëndetësore e të plagosurave nga Dan Hutra është jashtë rrezikut për jetën.
“Elena Hysa dhe nëna e saj janë në gjendje të mirë”, bëhet me dije nga spitali.
Ndërkohë që në shtëpinë Hysa, ka pllakosur zia. Familja sot do të përcjellë për në banesën e fundit, Mevlute Hysën 30 vjeçe, motra e Elena Hysës, bashkëshortes së Dan Hutrës. Mevlutja ishte bërë nënë disa kohë më parë.
Bashkë me të, sot viktimë ngeli edhe Hasime Dafku, gruaja e vëllait të Elenës. Hasimeja, 25 vjeçe ishte në pritje të ëmbël pasi prej dy muajsh kishte mësuar se ishte shtatzënë.
Plumbat e breshërisë së kallashnikovit të Dan Hutrës e ndërprenë në mes rrugëtimin e jetës së tyre. Masakra ndodhi dje në Paskuqan, ku Dan Hutra shkoi në banesën e familjes dhe qëlloi me breshëri gratë, ku vdiqën Hasime dhe Mevlute, ndërsa Elena me të ëmën u plagosën rëndë.
Me largimin nga Paskuqani, ai shkoi në Kamëz ku ekzekutoi Etleva Kurtin dhe më pas në Astir plagosi një nga të dashurat që kishte lidhje intime, shtetasen Marjana Gurakuqi.
