TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 28-vjeçar ka rënë në pranga nga policia e Durrësit në operacionin e koduar “The End” (“Fundi”). Ai është zbuluar si autori i dyshuar që një vit më parë, bashkë me tre shokë të tij, kishte tentuar të vidhte me armë në një banesë në Katund Sukth. Tre shokët e tij janë tashmë të arrestuar.
NJOFTIMI
Kapet dhe vihet në pranga 28-vjeçari i shpallur në kërkim, pasi tentoi të vidhte me armë, një vit më parë, në banesën e një shtetasi.
Si rezultat i këtij operacioni, shërbimet e Forcës së Posaçme Operacionale të DVP Durrës, në bashkëpunim me specialistët për Hetimin e Krimeve të Komisariatit të Policisë Durrës, bënë të mundur ndalimin e shtetasit P. P., 28 vjeç, banues në Katund Sukth, Durrës.
Gjykata e Rrethit Gjyqësor Durrës i ka caktuar 28-vjeçarit masën e sigurisë “Arrest në burg”, për veprat penale “Vjedhja me armë” dhe “Mbajtja pa leje e armëve, armëve shpërthyese dhe e municionit”.
Më datë 08.10.2021, shtetasi P. P., në bashkëpunim me 3 shtetas të tjerë të arrestuar, kanë tentuar të vjedhin me armë, në banesën e një shtetasi, në fshatin Katund Sukth.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
