TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nënkrytari i Partisë Demokratike, Oerd Bylykbashi ka zbuluar se zytarisht në regjistrin e partive politike në gjykatën e Tiranës, kryetar i PD rezulton Lulzim Basha edhe pse ky i fundit është dorëhequr. Pra, kryetar nuk figuron as Berisha dhe as Enkelejd Alibeaj.
I ftuar në emisionin "Të Paekspozuarit" në MCN TV, Bylykbashi tha se vendimi i gjykatës që njeh shkarkimin e Bashës dhe të gjithë vendimet në Kuvendin e Rithemelimit, nuk vendoset në regjistër, sepse sipas tij po mbahet peng nga Edi Rama dhe se administrata e gjykatës i shërben qeverisë.
Pjesë nga biseda:
Oerd Bylykbashi: Po të dëgjoni, shumë vetë thonë nuk ka vendim gjykate. Por, ka vendim gjykate. Në prill gjykata vendosi, njohim mbledhjen e Kuvendit të PD, organit më të lartë, ka ndryshuar statuti i partisë, ndryshoi logon dhe vulën e partisë, njohu shkarkimin e kryetarit të partisë dhe e fundit, ka pranuar ngritjen e një organit kolegjial drejtues, siç ishte Komisioni i Rithemelimit. Ne kemi bërë zgjedhje, është zgjedhur Berisha kryetar. Në këtë moment ka vendim gjykate.
Enton Abilekaj: Keni çuar deri në 11 dhjetor. Po 30 prillin e keni çuar në gjykatë?
Oerd Bylykbashi: Nuk regjistrohet dot Berisha, sepse duhet të regjistrohet në regjistër vendimi i gjykatës. Administrata e gjykatës, që kontrollohet nga Ministri i Drejtësisë e mban peng. Basha u zgjodh në 2021, u çua nga PD kërkesa për regjistrim në korrik, gjeti të regjistruar ankimin e Edith Harxhi. Gjykata njohu menjëherë zgjedhjen e Bashës, pa marrë parasysh ankimin. Kurse vendimin që njohu shkarkimin e Lulzim Bashës, e mbajnë pezull. Pse? Sepse jep porosi qeveria. Kjo është pengmarrje e pluralizmit.
Ylli Rakipi: Çfarë ndodh nëse gjykata njeh Alibeajn?
Oerd Bylykbashi: Po të shkojmë sot, Basha rezulton kryetar i PD, sepse bëhet verifkimi nga regjistri.
Arjan Çani: Pra hipotekën e ka Basha. Ka dhënë dorëheqjen por qenka zyrtarisht kryetar.
Oerd Bylykbashi: Në regjistër nuk është as Berisha dhe as Alibeaj. Është Lulzim Basha. Edhe pse Basha ka dhënë dorëheqjen, ky fakt nuk është.
Ylli Rakipi: Nëse PD çon kandidatë në KQZ, çdo të bëni?
Oerd Bylykbashi: Në 6 mars nuk kishte vendim gjykate. Tani ka një vendim gjykate.
Arjan Çani: Epo në regjistër është Basha kryetar.
Oerd Bylykbashi: Ju kujtohet kur Patozi regjistroi Bindjen Demokratike? E regjistroi pasi kishte kaluar afati dhe KQZ e pranoi. Pa kaluar 15 ditë thotë ligji, ai vendim gjykate nuk hyn në fuqi, ama KQZ e regjistroi. Precedenti i KQZ është i tillë.
Nertian Sejamini: Nuk ecën me KQZ-në me precedent, sepse ne nuk jemi në Britani këtu me precedent.
