TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i PD-së, Sali Berisha, ka vizituar sot, Panairin e 25 -të të Librit “Tirana 2022” që organizohet në mjediset e Pallatit të Kongreseve nga Shoqata e Botuesve Shqiptarë në datat 16-20 nëntor.
Berisha ka vizituar stendat njerën pas tjetrës ndërkohë që qytetarët e kanë ndalur për të bërë fotografi sëbashku. Në dalje, Berisha dha një deklaratë për mediat.
“Jam këtu për të dënoncuar qëndrimin anti-libër të tij. Shqiptarët duhet ta dinë se libri në Shqipëri taksohet më shumë se kudo në Evropë.
Duhet ta dinë se ato përpjekje që u bënë për të jetësuar biblotekat në të gjitha shkollat e vendit, fondet që u caktuan për blerjen e librave, u ndaluan me një vendim anti-libër të Edi Ramës.
Rama, ky njeri që për veten e vet pretendon se më një libër ndërtoi sarajet e Surrelit, tani takson si shtëpitë botuese, ashtu edhe shtypshkronjat, duke rritur kostot dhe dule ulur tirazhet e librave në mënyrë dramatike.
Vetëm tarifat dhe taksat doganore që ky vendos e bën librin pothuajse të ndryrë në territorin e Shqipërisë. Garantoj autorët e krijuesit se një politikë tjetër krejtësisht e ndryshme nga kjo do të instalohet,” tha Berisha.
