TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i PD-së, Sali Berisha vazhdon te theksoj se nuk i njeh zgjedhjet e 11 majit, duke e cilësuar qeverine si një “sipërmarrje të përbashkët me krimin e organizuar”.
Duke iu referuar rezolutave të miratuara nga organizata ndërkombëtare të qendrës së djathtë si CDI, IDU dhe PPE, Berisha u shpreh se këto struktura kanë denoncuar publikisht qeverinë shqiptare për lidhjet e saj me krimin.
“Pra kemi të bëjmë me një vdekje të paralajmëruar të procesit zgjedhor, dhe zhvillimi e një farse zgjedhore. Bota e krimit në këto zgjedhje ishte me zyrtare se kurrë. Bandat punuan në qytetet e mëdha të vendit, arritën të punojnë për 28 deputetë.
Para jush në fushatë unë kam denoncuar bashkërendimin e bandave të Durrësit dhe Elbasanit, darkat e shpeshta tek një lokal, të Shkëmbi i Kavajës, Kodra e Kuajve.
Ku darkonin së bashku, Ergys Agaci, Ervis Doçi, Suel Çela, Vangjush Dako. Pas këtij denoncimi ata u transferuan nga Kodra e Kuajve tek shtëpia e Dakos në bllok, aty janë organizuar të gjitha takimet”, tha Sali Berisha.
Sipas liderit të opozitës, ofrimi i 100 eurove për pensionistët para zgjedhjeve është një provë flagrante e përpjekjeve të qeverisë për të manipuluar votën e lirë.
“Rezolutat ndërkombëtare kanë denoncuar publikisht shtetin e Ramës si sipërmarrje e përbashkët me krimin e organizuar.
Ato janë njohur me qindra fakte të pakundërshtueshme, kanë konkluduar se shteti aktual është sipërmarrje e përbashkët me krimin. Kjo është arsyeja pse komuniteti ndërkombëtar i qendrës së djathtë i dënoi me dënim kapital më 30 prill 2025 zgjedhjet që do të zhvilloheshin 10 ditë më vonë në Shqipëri.
Nuk di të ketë pasur më parë që një zgjedhje të dënohet 10 ditë para zhvillimit. E them sepse komuniteti ndërkombëtar nuk udhëhiqet nga paragjykimet, ose kur nuk ka siguri thotë ka dyshime. Këtu nuk ka thënë këtë gjë, ka deklaruar se Rama po blen vota me lekë. Kanë parë 100 euro që u dhanë për pensionistët. Kemi të bëjmë me një vdekje të paralajmëruar të procesit zgjedhor dhe paralajmërim të farsës zgjedhore”, tha ai.
Pjese nga deklarata e Berishes
11 Maji, do ndalem vetëm në një aspekt. Në aspektin me të cilin fillova. Ky shtet është ndërmarrje e përbashkët me krimin e organizuar. Krahas patronazhistëve, krahas blerjes publike të votave, bota e krimit në këto zgjedhje ishte më zyrtare se kurrë. Ishte zyrtare! Ajo veproi në ombrellën e prokurorisë dhe politikës, Edi Ramës, me të gjithë mjetet e veta. Bandat në qytetet e mëdha të vendit, por jo vetëm ato, arritën të fusin në parlament, të punojnë për 28 deputetë.
Para jush, në fushatë, unë kam denoncuar bashkërendimin e bandave të Durrësit dhe Elbasanit, darkat e shpeshta tek një lokal në Shkëmbin e Kavajës, në mos gabohem diçka me kuajt ka ky lokal, ku darkonin së bashku Ergys Agasi, Elvis Doçi, Suel Çela, Vangjush Dako.
Tani, pas këtij denoncimi, ata u transferuan nga lokali Kodra e Kuajve, tek shtëpia e Dakos në Bllok. Aty janë organizuar të gjitha takimet.
Këto janë të gjitha të denoncuara. Tani, të pyesim pak shqiptarët, të kujt janë votat?
Vetëm tre nga këta kandidatë ose katër nga këta kandidatë, kanë 80 mijë vota të regjistruara.
Kampion është natyrisht Sara Mile.
Kampion është Arkend Balla.
Kampion është Ani Dyrmishi.
Kampion është Blendi Xhabafti.
Këta të katër së bashku bëjnë rreth 80 mijë vota dhe këta janë vetëm pararoja e kontingjentit të krimit të 28 deputetëve që bandat morën urdhër nga Edi Rama për t’i mbështetur.
Avoketërve të farsës elektorale të narkoqeverisë u them se duke mbrojtur farsën, kryeni një krim të shëmtuar kundër lirive më themelore të qytetarëve shqiptarë.
Dhe dëshmoheni më mercenarë se çdo lloj mercenari tjetër.
Shtroj edhe njëherë pyetjen, të kujt janë 80 mijë vota të deputetëve të partisë së krimit?
Të kujt janë? Një lidhje e plotë dhe totale me pushtetin.
