TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Tiranës ka vënë në pranga dy shtetas, A.B, 61 vjeç, dhe V.T, 66 vjeç, të dyshuar për abuzim seksual ndaj një gruaje 38-vjeçare me prapambetje mendore.
Sipas njoftimit zyrtar të Drejtorisë Vendore të Policisë Tiranë, arrestimet janë kryer nga Specialistët për Hetimin e Krimeve të Komisariatit Nr. 1, pas kallëzimit të vëllait të viktimës. Ai ka denoncuar se të dy të moshuarit kanë kryer marrëdhënie seksuale me motrën e tij, e cila është në pamundësi për t’u mbrojtur, si dhe ka ngritur dyshime se Ardian Biraçi e ka shfrytëzuar atë për qëllime prostitucioni.
Hetimet janë në vijim për të verifikuar kallëzimet dhe për të përcaktuar përgjegjësitë penale të personave të përfshirë në këtë rast të rëndë.
Njoftimi i policisë
Drejtoria Vendore e Policisë Tiranë
Specialistët për Hetimin e Krimeve të Komisariatit të Policisë Nr. 1 arrestuan shtetasit A. B., 61 vjeç dhe V. T., 66 vjeç, pasi ka kallëzuar një shtetas, se këta të dy dyshohet se kanë kryer marrëdhënie seksuale me motrën e tij 38 vjeçe (shtetase e pazotë për t’u mbrojtur).
Gjithashtu, ka kallëzuar dhe dyshon se 61-vjeçari e ka shfrytëzuar 38-vjeçaren, për prostitucion. Vijojnë hetimet për verifikimin e kallëzimit.
