TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i Partisë Socialiste Eduart Ndreca pyeti kreun e SPAK Arben Kraja në Komisionin e Ligjeve nëse dosja për vrasjen e Aleks Nikës në protestën e 21 Janarit mund të transferohet për hetim në Prokurorinë e Posaçme.
Kraja deklaroi sipas kodit të procedurës penale kur një dosje është e regjistruar pranë një prokurorie ajo është kompetente për të vendosur mos shpallje kompetence dhe kalimin e saj në një prokurori tjetër që në këtë rast është SPAK.
Ai tha se në rastin konkret do të duhet që këtë hap ta ndërmarrë Prokuroria e Tiranës e cila ka nën hetim dosjen në fjalë.
Diskutimet në Komision
Eduart Ndreca: Aleks Nika është vrarë më 21 Janar. E ndjej detyrim të pyes a ekziston ndonjë mekanizëm ligjor të transferimit të dosjes nga prokuroria e Tiranës drejt SPAK. Pas reformës pesha e kësaj dosje lidhet më shumë me kompetencat e SPAK.
Arben Kraja: Kur një procedim penal është pranë një prokurorie është ajo kompetente për të vlerësuar se çfarë ka në dosje dhe për të parë nëse ka elementë që nuk jam kompetencë e saj por të një prokurorie tjetër.
Mbi këtë bazë i drejtohen aktet një prokurorie tjetër që në këtë rast është SPAK i cili i vlerëson dhe vendos ta pranojë apo mos ta pranojë. Edhe ai rast duhet të zgjidhet në këtë formë.
