TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas rikthimit të tij në skenën politike, Lulzim Basha ka zbuluar të ardhmen e tij në Partinë Demokratike.
Gjatë një bashkëbisedimi me të rinjtë, këta të fundit kanë pyetur Bashën nëse do kandidojë sërish për të qenë kryetar i demokratëve. Basha u shpreh se kur të hapet gara për kreun e PD-së, atëherë do e zbulojë, ndërsa la të kuptohet se kjo do ndodhë shumë shpejt. Ai shtoi se do i takojë anëtarësisë së PD-së të gjykojë jo vetëm investimin e tij në parti, por të gjithë lidershipit.
“Shqiptarëve duhet t’u themi se ka një rrugë drejt shpresës. Shqiptarët që nuk kanë votuar presin një projekt nga PD. Që procesi politik të shkojë më tutje duhet t’i japim mundësi shqiptarëve të përfaqësohen. A do kandidoj unë? Kur të hapet gara për kreun e PD-së do e merrni vesh. Do e kuptoni shpejt, nuk do ju mbaj në tension. Do i takojë anëtarësisë së PD të gjykojë që jo vetëm investimi im te një lidership që nuk ka të bëjë me trekëndëshin e Bermudës në asnjë aspekt. Ky vit më ka dhënë mundësi të reflektoj mbi gabimet e asaj kohe. Padrejtësisht unë dhe ekipi im jemi vënë para manisë për të bashkuar çdo votë kundër integritetit të çdo demokrati”, u shpreh Basha.
