TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish kreu i Kuvendit të Kosovës Jakup Krasniqi ka dalë para trupës gjykuese në Hagë.
Krasniqi është paraqitur për herë të parë para Dhomave të Specializuara, që njihen si Gjykata Speciale.
Ish-kreu i Kuvendit u pyet nga trupa gjykuese nëse e ka marrë aktakuzën.
“Aktakuzën e kam marrë, një pjesë të saj në 4 nëntor, por edhe në Hagë kemi marrë një variant të përmirësuar të aktakuzës. Është në gjuhën shqipe, e ka kuptuar dhe lexuar mirë”, tha ai.
Në paraqitjen e parë, Krasniqi ka të drejtë ta zgjedhë një avokat mbrojtës ose kjo t’i caktohet nga Specialja. Në këtë paraqitje, atij i lexohen akuzat dhe informohet se brenda 30 ditësh duhet ta deklarojë fajësinë apo pafajësinë në lidhje me to. Ai mund të deklarohet rreth fajësisë apo pafajësisë qysh në paraqitjen e parë.
Të mërkurën, Jakup Krasniqi u arrestua dhe u dërgua për në paraburgimin e Dhomave të Specializuara.
Për në të njëjtin destinacion, me një avion ushtarak, të nesërmen u nisën edhe ish-bashkëpunëtorët e tij në luftë, ish-presidenti Hashim Thaçi, ish-kryetari i PDK-së, Kadri Veseli dhe shefi i Grupit Parlamentar të LVV-së, Rexhep Selimi.
Kujtojmë se në orën 15:00 të ditës së sotme para trupës gjykuese do të dalë ish-presidenti Thaçi.
Ata akuzohen për krime lufte dhe krime kundër njerëzimit.
Aktakuza i bën përgjegjës Thaçin, Veselin, Krasniqin e Selimin për një sërë krimesh që pretendohet se janë kryer në disa qendra ndalimi gjatë viteve 1998-1999.
