TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zbardhen detaje të reja nga aksioni i Policisë së Tiranës, i zhvilluar pasditen e sotme në zonën e Liqenit të Thatë.
Policia ka arrestuar shtetasin Hektor Qirjazi, së bashku me tre persona të tjerë.
Të arrestuarit dyshohen si autorët e vjedhjes së një vile te zona e Liqenit të Thatë, ndërsa gjatë kontrollit fizik dhe nëpër banesa iu është gjetur edhe një sasi droge.
Sa i përket shtetasit Qirjazi ka dyshime se ka precedentë kriminalë në Greqi, për këtë arsye, policia shqiptare po bashkëpunon me policinë greke për verifikime. Ndërkohë, lidhur me aksionin policia pritet të zbardhë detaje ditën e nesërme.
Hektor Qiriazi, siç bënte me dije policia greke në vitin 2013, bënte pjesë në një grup famëkeq që prej kohësh terrorizonte Greqinë për vjedhjet e dhunshme që kryenin dhe jo vetëm.
Banda akuzohet për tentativa vrasjesh, përfshi edhe ndaj efektivëve të policisë, vjedhje qendrash tregtare, makina, bastisje shtëpish, etj.
Veprat penale të tyre u zbardhën në atë kohë pas një hetimi disamujor nga ana e policisë dhe në listën e gjatë të tyre përfshihen midis të tjerash: 3 tentativa vrasjeje, nga të cilat dy ndaj policëve grekë, 10 vjedhje në qendra tregtare dhe banka, 6 vjedhje makinash e 3 bastisje shtëpish.
Policia ka mundur të arrestojë rastësisht disa muaj më parë vetëm një prej anëtarëve të grupit, 50-vjeçarin Ilir Gjini, pasi drejtonte një makinë të vjedhur dhe u përpoq t’i shmangej kontrollit.
Gjatë arrestimeve u gjetën dhe konsfiskuan një kallashnikov, dy karikatorë, një pushkë tjetër automatike dhe një pistoletë. Në deklaratën e policisë publikohen edhe emrat dhe fotografitë e gjashtë pjesëtarëve të tjerë të grupit: Ektor Qiriazi 30 vjeç, Lulëzim Elmazaj 22 vjeç, Agron Shakaj 34 vjeç, Arsen Selimaj 39 vjeç, Ervis Arapaj 39 vjeç dhe Erion Peçi 27 vjeç.
