TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Shëndetësisë së Kroacisë, Vili Beros ka njoftuar se gjendja shëndetësore e të plagosurve nga aksidenti tragjik mëngjesin e sotëm është e qëndrueshme.
Ai thotë se edhe ata që janë shtruar në kujdesin intensive nuk kanë shfaqur përkeqësim të situatës shëndetësore.
“Pacientët që ishin në rrezik për jetën në njësinë e kujdesit intensiv janë ende të qëndrueshëm. Gjendja e tyre shëndetësore nuk u përkeqësua”, tha Beros.
Ministri thotë se një prej të plagosurve i është nënshtruar një operacioni në krah dhe ndodhet jashtë rrezikut për jetën.
“Një person është pa lëndime, ndërsa tjetri u transferua në Klinikën për Traumatologji në Zagreb dhe nuk ka nevojë për operacion, është një dëmtim i shtyllës kurrizore”, tha ministri kroat.
Beros tha se ndihma e ambasadorëve dhe përkthyesve nga Kosova që i ndihmuan ata të kontaktonin me të lënduarit, ishte shumë e rëndësishme.
