AKTUALITET, 28 Prill 2021, 14:22

Aksident te ‘Misto Mame’, shoferi 17-vjeçar përplas 50-vjeçaren, del nga mjeti dhe largohet me vrap

Aksident te ‘Misto Mame’, shoferi 17-vjeçar përplas

Një aksident ka ndodhur pak më parë në Tiranë në zonën e ‘Misto Mame’.

Shoferi 17-vjeçar ka aksidentuar një 50-vjeçare e cila tashmë ndodhet në spital duke marrë kujdesin e duhur mjekësor.

17-vjeçari në momentin që ka bërë aksidentin ka dalë nga mjeti dhe është larguar me vrap.

Informacion paraprak

Më datë 28.04.2021, rreth orës 13:40, në rrugën “Besim Alla” mjeti me drejtues shtetasin e mitur me iniciale K. L., ka aksidentuar një këmbësore rreth moshës 50-vjeçe, e cila ndodhet në spital, nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.