TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Epoka e Abramovich tek Chelsea duket se ka mbërritur në fund, ndoshta. Sipas “Bloomberg”, pas 15 vjetësh manjati rus po mendon të shesë klubin dhe i ka kërkuar Raine Group LLC në New York për të gjetur një blerës. Kërkesa e bosit të Blues, që e mori shoqërinë në 2003 në prag të falimentimit, vërtitet rreth 3,3 miliardë euro. Një shofër shumë e lartë, duke marrë në konsideratë vlerën e klubeve të tjera më të titulluar se Chelsea.
Statistikisht, në 15 vitet e Roman Abramovich, Chelsea ka fituar 5 Premier League, 5 FA Cup, 2 Community Shield, 2 League Cup, një Champions League e një Europa League. Suksese të rëndësishme, që kanë ardhur falë blerjes së lojtarëve të mëdhenj e marrjes së trajnerëve të kalibrit të Mourinho, Ancelotti, Di Matteo, Benitez e Conte.
Investime që e kanë bërë Chelsea një nga klubet më të rëndësishëm të Europës, por që tani duket se për Abramovich ka ardhur momenti tia shesë ofruesit më të mirë. 3,3 miliardë euro është një shifër e cmendur, gati jashtë merkatos, por po të kesh parasysh se Abramovich kohë më parë refuzoi 2,3 miliard stërlina për klubin, nuk duket edhe aq e pamundur të ketë të interesuar….
