TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“A e more vesh që e kanë rrahur Saimir Tahirin para një jave. Në mënyrë absolute bandat e Edi Ramës. Sa filloi t’i përmendi Edi Ramës çatinë. Ishte fjalë kod ajo. Sa ia përmendi këta e zhdëpën. Kryekumbari në shpellën e mafies bën ligjin”.
Këto janë fjalë që tha pak javë më parë ish-kryeministri Sali Berisha në emisionin “360 gradë” në Ora News. Këtë deklaratë e përsëriti edhe kreu i PD-së në emisioin “Opinion”, Lulzim Basha.
“Saimir Tahiri është rrahur para disa ditës, madje thonë se janë shkrehur edhe armët. Është rrahur nga ata që kanë frikë. Ata që kanë frikë se mos e nxjerr të plotë dosjes Xibraka ku është i përfshirë Olsi Rama”, – deklaroi më tej Basha.
Lidhur me këto deklarata, Saimir Tahiri është pyetur mbrëmjen e së enjtes në emisionin “Opinion” në Tv Klan. Në fund të emisionit, moderatori Blendi Fevziu e pyeti: “A është e vërtetë që ju kanë rrahur? Nuk po tallem.”
Përgjigja e Tahirit ishte me nënqeshje: “Kush e ka bërë këtë lajm…? Shumë banale kjo Fevzi. Mos e ul kaq shumë nivelin”.
