TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Situata e koronavirusit në vend vijon të mbetet shqetësuese.
Ministrja e Shëndetësisë Ogerta Manastirliu, ka publikuar në rrjetet sociale një video mesazh të pacientëve të prekur me Covid.
Në përballje me sëmundjen e vështirë një pacient shprehet se qytetarët nuk duhet të tregojnë frikë ndaj Covid-19, ndërsa i bën apel që të tregohen të kujdesshëm dhe të mos hezitojnë të komunikojnë me mjekët për çdo shenjë që evidentojnë apo dyshojnë se janë të prekur.
I shtruar prej 25 ditësh, një nga pacientët shprehet se kujdesi mjekësor luan rol kyç për parandalimin e përhapjes së virusit: “Spitali është përgjigja për të gjithë skeptikët, i bëj thirrje të mos hezitojnë të mjekohen”.
“Isha në formë të rëndë të sëmundjes dhe e falënderoj të gjithë stafin për punën e heroikë. I bëj thirrje të gjithë shqiptarëve që t’i drejtohen spitale dhe të mos dëgjojnë fjalët sepse do të marrin veten në qafë”, shprehet një tjetër pacient.
Ministria e Shëndetësisë raportoi ditën e djeshme se 15 pacientë me Covid humbën jetën, ndërsa u regjistruan 787 raste të reja për 24 orë.
