TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasadorja e Suedisë në Shqipëri Elsa Haastad ka zbuluar personat me të cilët udhëtoi drejt Përmetit dhe Tepelenës bashkë me ambasadoren e Shtetet e Bashkuara të Amerikës, Yuri Kim.
Në një postim në Instagram, ambasadorja Hastad ka publikuar foto ku shihet me Kim, gazetaren Mira Kazhani dhe Anjeza Majën, moderatoren që tashmë është pjesë e “ERTV”, televizionit të kryeministrit Edi Rama.
Të ftuara nga Ministrja e Mjedisit dhe Turizmit, Mirela Kumbaro, ambasadoret dhe dy mikeshat e tyre kanë shijuar shegët, petullat e lulet e Përmetit e të Tepelenës.
Në një video të postuar po nga ambasadorja Hastad dëgjohet edhe vetë Kumbaro që i shpjegon Kim recetën tradicionale të glikosë.
“Bëhet me fruta të bardha,”- tregon Kumbaro ndërsa ambasadorja e SHBA-ve dëgjon me ëndje.
Edhe vetë Kim postoi më herët disa foto nga fundjava e saj në këto zona të Shqipërisë por pa përmendur personat që e shoqëronin në këtë udhëtim. Në fakt, miqësia e Kim me Majën e Kazhanin nuk është një sekret pasi s’është as hera e parë që shfaqen bashkë në udhëtime përmes të cilave e dërguara e Amerikës njeh Shqipërinë. Prania e ministres Kumbaro në shëtitjen e kësaj fundjave duket mjaft e natyrshme, por ajo që bën pak çudi është prezenca e gazetares së ERTV….
