TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një gol i Xherard Pike (37′) i ka mjaftuar Barcelonës për të siguruar fitoren e parë të këtij sezoni në Ligën e Kampioneve. Rrjeta e mbrojtësit siguroi një sukses ndaj Dinamo Kiev dhe bëri që katalanasit të marrin frymë pak më të qetë duke u kthyer në garë për vazhdimësinë më tej në turne, pas humbjeve në dy ndeshjet e para.
Për Barcelonën nuk kishte alternativë tjetër veç fitores dhe duket se katalanasit e ndjenë trysninë, pasi ishin shumë larg formës së kërkuar prej tyre. Ndaj situata u zgjidh nga ai që nuk pritej, mbrojtësi Pike, i cili doli në ndihmë të sulmit dhe dërgoi sferën në rrjetë si një bomber i vërtetë.
Më pas, Barcelona dhuroi shumë pak, në një ndeshje për t’u harruar, por siguroi një rezultat që i jep pak frymëmarrje ekipit në vijimësinë e turneut pasi e mban plotësisht në lojë.
Sa i përket ndeshjes tjetër të pasdites, Salcburgu është konfirmuar si një nga skuadrat pretendente të Grupit G, pasi me suksesin 3-1 ndaj Volfsburgut, merr kreun me 7 pikë, i shkëputur nga ndjekësit.
