TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasadorja e Shteteve të Bashkuara të Amerikës në vendin tonë Yuri Kim, këtë të hënë ka zhvilluar një vizitë në qytetin e Vlorës.
Në këtë vizitë ambasadorja është pritur nga kryetari i bashkisë Dritan Leli, e cila ka shprehur kënaqësinë e saj për ndryshimet që janë bërë në qytet.
Në këtë takim Kim ka theksuar rëndësinë e zbatimit të reformës në Drejtësi, që sipas saj kjo do të jetë një mënyrë e mirë që shqiptarët, por edhe amerikanët do të ndihen të sigurt për të investuar në Shqipëri.
“Kisha dëgjuar gjëra të bukura për Vlorën por duke ecur në rrugët e qytetit pashë që qyteti juaj ofron më shumë.
Është kënaqësi për mua të shoh ndryshimet e Vlorës ndër vite. Nëse në Shqipëri zbatojmë gjërat që na rekomandohen, ligjet, atëherë e gjithë Shqipëria do të ecë përpara.
Është tepër me rëndësi zbatimi i reformës në drejtësi në mënyrë që të sundojë ligji në mënyrë që shqiptarët amerikanët të ndihen të kenë besim që investojnë në Shqipëri”, është shprehur Kim.
