TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbrëmjen e djeshme është ekstraduar drejt Italisë Bujar Sejdinaj, i njohur me nofkën “xhaxhai” i Ndragehtas.
Pak javë më parë Ministrja e Drejtësisë Etilda Gjonaj firmos urdhërin, për të lejuar ekstradimin e Sejdinajt në Itali.
Sejdinaj dyshohet se është përfaqësues i Ndrangheta-s në Shqipëri dhe në zonën e Ballkanit. Ai do të japë llogari në vendin fqinj, pasi dyshohet se bashkë me një person, të identifikuar si Adrian Cekini, kanë marrë pjesë në blerjen e rreth 20 kg kokainë në Spanjë, për llogari të një klani mafioz.
61-vjeçari, Bujar Sejdinaj me origjinë nga fshati Ostren i Vogël i Peshkopisë por banues në Tiranë u arrestua më 23 korrik nga policia e Shtetit, si pjesë e një rrjeti të mirëorganizuar që trafikonte kokainë nga vendet e Amerikës Latine.
Ai dyshohet se kishte rolin e “ambasadorit” të bandës në zonën e Ballkanit, dhe punonte për llogari të familjes mafioze “Bellocco”, e cila trafikon drogëra të forta nga Shqipëria, Argjentina dhe Costa Rica.
Vetë Sejdinaj, i ka mohuar akuzat, ndërsa ka shtuar se ka punuar si marangoz në Laç dhe është invalid.
