TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i Partisë Demokratike, Lulzim Basha votoi sot pak para orës 9:00, në qendrën e votimit 1929 pranë çerdhes nr.13, Rr. Demir Gashi, Njësia 8.
Në hyrje të qendrës së votimit, Basha u takua me një grup qytetarësh.
Basha ishte i shoqëruar nga votues për herë të parë.
Në mesazhin e tij për mediat, kryedemokrati bëri thirrje për shqiptarët, që sot të dalin e të votojnë masivisht.
“Sot është një ditë e mrekullueshme për vendin tonë, ditë historike, dita kur të gjithë ne kemi fuqinë në dorën tonë, të gjithë shqiptarët, të gjithë ju keni në duar fuqinë tuaj për fëmijët tuaj , familjen, vendin, kombin.
Sot është dita të dilni e të votoni masivisht, të bëni me votën tuaj të mundur të ardhmen që dëshironi.
Sot është dita e Shqipërisë, e demokracisë, dilni masivisht votoni.
Jam i lumtur që votën time e kam hedhur sot në praninë e votuesve për herë të parë në lagjen ku kam lindur e jam rritur, i bëj thirrje çdo vajze e djali, dilni votoni masivisht. Zoti e bekoftë Shqipërinë”.
