TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Reperi i njohur Arkimed Lushaj – Stresi, këtë vit për herë të parë nuk ka pasur fatin që ta festojë pranë familjes natën e ndërrimit të viteve.
Këngëtari vazhdon të jetë i ngujuar në burgun e Fush-Krujës, ndërsa pret të lirohet sërish për të qenë pranë fansave dhe familjes.
Megjithëse i izoluar, ai herë pas here shfrytëzon rrjetet sociale për të krijuar një lidhje me fansat e tij.
Në natën e ndërrimit të viteve, Stresi vendosi që të publikojë një fotografi në rrjetin social Instagram, në mbishkrimin e së cilës bëri një urim emocionues për fansat.
“Uroj që kohët e mira të së tashmes të mbesin kujtime të arta të së nesërmes. Ju dëshiroj shumë dashuri ,gëzime dhe lumturi. Një vit i ri i mbushur me shpresë. U përballa dhe do përballem me shumë sfida në jetë, por nuk do dorëzohem sepse maja e malit do kohë ti ngjitesh dhe të shijosh pamjen, nuk do rri në shpat. Urime viti i ri 2019-tës”, shkruan Stresi në Instagram.
Ndërkohë, të shumta kanë qenë edhe urimet nga ana e ndjekësve të tij, të cilët njëherësh edhe i kanë uruar lirim të shpejtë.
Përndryshe, projekti i fundit muzikor që reperi solli për fansat e tij ishte kënga “Të du mom”, të cilën për fat të keq nuk pati mundësinë ta performonte në netët finale të festivalit “Kënga Magjike”.
