TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një incident i rëndë është regjistruar në një shkollë publike në shtetin Pará të Brazilit, ku një nxënëse 17-vjeçare dyshohet se ka sulmuar me thikë mësuesen e saj pas një konflikti lidhur me një notë në provim.
Ngjarja ndodhi në Shkollën Publike “Dr. Gerson dos Santos Peres”, ku debati mes nxënëses dhe mësueses u përshkallëzua.
Sipas informacioneve paraprake, 17-vjeçarja ishte e pakënaqur me rezultatin e marrë në një provim dhe nisi të konfliktohej me mësuesen. Situata u përshkallëzua më tej, ndërsa nxënësja iu afrua mësueses e armatosur me një thikë.
Mësuesja tentoi ta qetësonte nxënësen përmes komunikimit dhe duke shmangur përshkallëzimin e situatës, por përpjekjet e saj nuk rezultuan të suksesshme.
Gjatë përleshjes, mësuesja pësoi disa plagë të lehta nga thika. Sipas informacioneve të deritanishme, gjendja e saj shëndetësore raportohet e mirë.
Pas incidentit, policia ndërhyri në shkollë dhe 17-vjeçarja u ndalua.
Autoritetet kanë nisur hetimet për të zbardhur rrethanat e plota të ngjarjes, ndërsa pritet të përcaktohen edhe përgjegjësitë ligjore të nxënëses.
Ngjarja ka shkaktuar shqetësim në komunitetin e shkollës dhe ka rikthyer vëmendjen te siguria në institucionet arsimore, ndërsa autoritetet vijojnë hetimet për të dokumentuar të gjitha rrethanat e incidentit.
Brezilya'da notunu beğenmeyen bir öğrenci, öğretmenine bıçak çekti. https://t.co/mpZbZDNt32
— Boşuna Tıklama (@bosunatiklama) September 21, 2026
