TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Partia Demokratike në Durrës ka nisur punën që t’iu vijë në ndihmë qytetarëve që kanë shprehur dëshirën për të marrë pjesë në protestën e orës 18:00 para godinës së kryeministrisë, në bulevardin “Dëshmorët e Kombit”.
Dega e PD-së në qytetin bregdetar ka vënë në dispozicion autobusë për të gjithë qytetarët që nuk kanë mundësi të udhëtojnë me mjetet e tyre personale drejt Tiranës.
Sipas PD-së, autobusët janë vendosur njëri tek selia blu në qytet, por ka edhe të tjerë në dispozicion të qytetarëve dhe protestuesve tek Muzeumi, Këneta, Sukthi dhe në Manëz.
Burimet brenda PD-së në Durrës i thanë “BalkanWeb” se gjithsej në dispozicion të qytetarëve janë 20 autobusë, konkretisht 10 të tillë me nga 50 vende dhe gjysma tjetër me 30 vende. Gjithashtu po sipas PD-së, pritet që të udhëtojnë drejt Tiranës edhe 5 mijë qytetarë të tjerë të organizuar me autovetura. Nisja e tyre drejt Tiranës do të bëhet nga ora 16:00.
