TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Papa Françesku ka vendosur që të udhëtojë në Irak, në fillim të vitit të ardhshëm. Ky do të jetë edhe udhëtimi i tij i parë jashtë shtetit, që nga fillimi i pandemisë.
Ati i Shenjtë do të kalojë katër ditë në vend, duke u bërë gjithashtu, papa i parë që viziton Irakun.
Françesku, i cili mbush 84 vjeç këtë muaj, pritet të vizitojë Bagdadin, Irbilin, Mosulin dhe Qaraqosh, si dhe “fushat e Ur, të lidhura me kujtesën e [profetit] Abraham”, sipas një zëdhënësi të Vatikanit.
“Programi i udhëtimit do të bëhet i njohur në kohën e duhur dhe do të marrë në konsideratë ecurinë e urgjencës shëndetësore në mbarë botën,” tha të hënën Matteo Bruni, duke shtuar se Françesku kishte pranuar ftesa nga qeveria Irakiane dhe kisha katolike lokale .
Presidenti i Irakut Barham Salih tha në një postim në Twitter se vizita do të ishte “një mesazh paqeje për Irakianët e të gjitha feve dhe do të shërbejë për të afirmuar vlerat e përbashkëta të drejtësisë dhe dinjitetit”.
