LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 16 Shtator 2018, 11:04

‘Tërmet Peçi shënon fitore publiçitare’, i këndon labçe Enver Hoxhës

TPZ
‘Tërmet Peçi shënon fitore publiçitare’, i

Kryebashkiaku i Tepelenës, Termet Peçi, i ka kënduar diktatorit Enver Hoxha nën shoqërinë e miqve dhe drejtuesve lokalë të PS-së.

Ngjarja ka ndodhur dje në darkë, me rastin e 75 vjetorit të çlirimit të këtij qyteti.

Mësohet se pas koncertit që iu kushtoi tepelenasve dhjetra milionë lekë, u mendua të nderohej edhe diktatori Hoxha.

Përmes kësaj video, shihet qartë se si Tërmet Peçi shoqëron në këngë, Golikun e famshëm të Bëncës. Ky i fundit e ka pasur dhe e ka dobësi Enver Hoxhën. Mësohet që kur i thurte këngë në festivalet folklorike të Gjirokastrës në vitet ’80.

[video width="368" height="480" mp4="https://cdnimpuls.com/tpz.al/wp-content/uploads/2018/09/termeti.mp4"][/video]

Komandanti Enver Hoxha-është refreni i përsëritur shumë herë nga Tërmeti. Madje, ky i fundit në një moment nderon edhe me grusht ashtu si dikur komunistët.

Diku tjetër, në vend të Enver Hoxhës, thuhet Edi Rama dhe sërish kthehet tek Enver Hoxha.

T’i këndosh diktatorit, personit përgjegjës të mijëra e mijëra vrasjeve pa gjyq të qytetarëve të tij, personit që la në prapambetje të plotë vendin dhe izoluar me botën e jashtme, kjo ndodh vetëm në Tepelenë me protagonist Tërmet Pecin, pinjollin e një prej figurave më gjakatare në sistemin e kaluar, Shefqet Peci.