TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
SHBA-ja dhe Rusia, kanë qenë fare pranë përplasjes mes tyre, për çështjen e Sirisë, pasi presidenti Donald Trump postoi në Twitter një kërcënim, ku paralajmëronte Moskën të "bëhej gati" për raketat amerikane, të cilat Rusia ka premtuar se do t'i rrëzojë.
Konflikti ka lindur pas një sulmi me gaz helmues, në një lagje në Damascus, e cila është nën kontrollin e rebelëve. Ky konflikt ka degjeneruar në një konfrontim serioz mes dy vendeve që kanë arsenalet më të fuqishme të armëve bërthamore në botë. Nga njëra anë presidenti i SHBA-së ka shpalosur një retorikë kërcënuese, ndërsa nga ana tjetër, Vladimir Putin vazhdon të mbështesë pa kompromis regjimin e Bashar al Assad.
"Rusia zotohet se do të rrëzojë të gjitha raketat që ne hedhin në Siri. Përgatitu Rusi, sepse ato do të jenë të mira, të reja dhe inteligjente. Nuk duhet të jeni partnerë me një kafshë që vret njerëzit me armë kimike dhe kënaqet nga kjo gjë", u shpreh Donald Trump në Twitter.
Statusi në Twitter i Presidentit Trump
Zëdhënësi i Kremlinit, Dimitry Peskov, bëri thirrje për qetësi.
"Ne nuk marrim pjesë në demokracinë e Twitter-it", tha Peskov. "Ne mbështesim një qasje serioze. Besojmë se është e rëndësishme të mos merren hapa të cilat mund ta dëmtojnë më shumë, një situatë të brishtë".
Në pritje të sulmit të amerikanëve, avionët Sirianë, kanë fluturuar në 3 baza ajrore ruse dhe zyrtarët e lartë sirianë janë zhvendosur në vendndodhje të sigurta në Damaskë.
Përdorimi i armëve kimike
Sipas organizatë siriano-amerikane "SAMS", e cila operon në zonat e kontrolluara prej rebelëve, rreth 500 persona kanë marrë trajtim mjekësor, për simptopma që vijnë prej ekspozimit ndaj agjentëve kimik.
Organizat Shëndetësore e OKB-së, ka kërkuar akses për të verifikuar raportet e partnerëve të saj, se 70 persona kanë vdekur dhe 43 të tjerë kanë patur simptoma të ekspozimit ndaj agjentëve kimik.
Një ekip nga Organizata për Ndalimin e Armëve Kimike, do të niset në Siri, për të përcaktuar nëse armë të ndaluara janë përdorur mbi civilët.
Rusia i ka përshkruar këto raporte si "provokim", për të justifikuar ndërhyrjen e Perëndimit, në Siri.
Çfarë pritet të ndodhë?
SHBA pritet të përgjigjet ndaj asaj që e konsideron përdorim të armëve kimike, me anë të operacioneve ushtarake.
Sekretari i Mbrojtjes, James Mattis, ka thënë se SHBA është ende duke vlerësuar sulmin kimik dhe se ushtria amerikane është gati "të shpalosë opsionet ushtarake, nëse presidenti vlerëson se janë të përshtatshme".
Presidenti francez, Emmanuel Macron, u shpreh se çdo sulm nga perëndimi, do të ketë në shënjestër kapacitetet kimike të regjimit sirian.
Në Mbretërinë e Bashkuar, kryeministrja Teresa May, është e gatshme t'i bashkohet aksionit ushtarak, sipas burimeve të BBC.
/TPZ.AL/
