TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama priti sot në takim homologun e tij nga Kosova, Avdullah Hoti.
Dy kryeministrat dhanë një konferencë të përbashkët për mediat, pas takimit që patën kokë më kokë.
Rama u shpreh se mbledhja mes dy qeverive, (nëse e lejon situata e koronavirusit) do të mbahet në Shkodër në shtator, ndërkohë që në Pallatin e Kongreseve do të zhvillohet Kongresi i autoriteteve vendore të Shqipërisë e Kosovës.
Rama ka theksuar se temat kyçe të diskutuara gjatë takimit me Hotin ka qenë Dogana e Kosovës në Durrës, njehsimi i dokumenteve për shkëmbimin e mallrave mes dy vendeve, eksport-import dhe hapja e kufirit pa kontroll për lëvizjen e njerëzve.
“Sot kemi folur për doganën e Kosovës në Durrës, në parim është e dakordësuar, por në zbatim jo e plotë, pasi ajo që në fakt Hoti ka ngritur në bisedën e përbashkët përbën thelbin e marrëveshjes, jo një stacion i parë i pasuar nga një i dytë kontrolli në Morinë, por një i vetëm në Durrës ku hyrja e të gjitha mallrave për në Kosovë nga pikëpamja legjislative dhe juridike duhet të trajtohet si hyrje në Kosovë.
Na duhet detajim teknik i marrëveshjes për të mos lejuar që burokracia apo interesa të caktuara të pengojnë zbatimin”- tha Rama.
“Njehsimi i shumëherëfolur i dokumentacionit lidhur me mallrat që eksportohen apo importohen mes vendeve ku është e pamundur të flasim për efikasitet nëse nuk arrijmë që dy palët në nivelin teknik të kenë gjuhë teknike të njehsuar e të mos i kërkojmë ne në Shqipëri eksportuesve të Kosovës që të kenë dokumente dhe të Shqipërisë psh. të AKU kur vijnë këtej, apo në Kosovë të mos i kërkohen ato të Kosovës kur shkojnë andej por një dokument i vlefshëm për të dy vendet”- vijoi kryeministri.
