TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Anëtarësimi në Bashkimin Europian është “prioriteti i prioriteteve” të Shqipërisë. Në fjalën e tij në mbledhjen e 22-të të Komitetit të Stabilizim-Asociimit BE-Shqipëri në Tiranë, kryetari i Kuvendit tha se BE nënvizoi angazhimin e Kuvendit në këtë proces dhe kalimin te kontrolli i zbatimit të ligjeve të miratuara,
“Busulla e Shqipërisë mbetet e pandryshueshme. Anëtarësimi në BE është qëllimi ynë strategjik kombëtar, destinacioni i vetëm për të ardhmen e Shqipërisë dhe shqiptarëve në rajon dhe prioriteti numër një i Kuvendit. Tashmë kemi hyrë në një fazë përcaktuese të procesit të negociatave ku fokusi po vendoset nga miratimi i ligjeve te zbatimi i tyre efektiv dhe i matshëm. Anëtarësimi i Shqipërisë në BE është prioriteti i prioriteteve tona. Po punojmë për të garantuar dhe jetësuar procesin demokratik të procesit të integrimit. Të gjithë jemi dakord se për Shqipërinë dielli lind nga Perëndimi”, tha Peleshi.
Gjithashtu, ai njoftoi se më 28 shtator Tirana do të mirëpresë Konferencën Ndërparlamentare mbi Agjendën Strategjike të Zgjerimit me pjesëmarrjen e vendeve kandidate.
“Kjo mbledhje mbahet në një kontekst të rëndësishëm. Nga njëra anë kemi procesin e integrimit në BE dhe nga ana tjetër konteksti gjeopolitik, paqja në rajon dhe më gjerë në kontinent. Përballë këtyre sfidave, pusulla e Shqipërisë mbetet e pandryshueshme, anëtarësimi në BE dhe prioriteti i partisë sonë.
Viti 2026 shënoi një vit të suksesshëm për ambicien tonë. Fokusi po zhvendoset nga miratimi i ligjeve te zbatimi i tyre. Angazhimi janë faktorët që mbajnë të ndezur dritën në fund të tunelit të anëtarësimit. Kuvendi i Shqipërisë është plotësisht i vetëdijshëm dhe i angazhuar për funksionin e tij në anëtarësimin e Shqipërisë në BE. Anëtarësimi i Shqipërisë në BE është prioriteti i prioriteteve tona.
Ne këtu në Kuvendin e Shqipërisë nuk blihem shpesh herë dakord, por jemi dakord se për Shqipërinë dielli lind nga Perëndimi. Nëpërmjet tryezave të konsultimit publik, ne po sigurojmë që reformat të lidhen me interesat e biznesit dhe nevojat e qytetarëve. Kuvendi do të shqyrtojë me përparësi ligjet që lidhen me standardet e BE.
Çdo angazhim i marrë në tryezën e negociatave të jetë transparent. Jemi përgatitur se si Shqipëria të jetë një vend i Bashkimit Europian. Në datën 28 shtator do të organizojmë në Tiranë Konferencën Ndërparlamentare Agjenda Strategjike e Zgjerimit në BE dhe Anëtarësimi i Shqipërisë, i cili do të mbledhë parlamente të vendeve kandidate”, tha Peleshi.
Ambasadorja e BE-së në Shqipëri, Sofia Moreira de Sousa, theksoi se pavarësisht përparimit dhe krenarisë që duhet të ndiejë Shqipëria, mbetet ende punë për të bërë. Reformat duhet të jenë të pakthyeshme dhe paralelisht të ruhet mbikëqyrja parlamentare dhe transparenca.
“Për të arritur mbylljen e negociatave, progresi i negociatave kërkon progres në të gjitha reformat që kërkon BE. Duhet të mos kemi kthim mbrapa. Puna për konsolidimin e reformës në drejtësi duhet të vazhdojë duke u fokusuar te drejtësia dhe duke siguruar të gjitha standardet që duhet të ketë sistemi i drejtësisë. Rezultatet duhet të jenë të pakthyeshme. Shqipëria ka bërë hapa përpara për të drejtat e njeriut, por vihet në dukje se përpjekja për të ruajtur ritmin e reformave duhet të vazhdojë. Shpejtësia nuk duhet të rrezikojë mbikëqyrjen e parlamentit dhe bërjen publike të ligjeve. Gjithçka fillon me ligje të mira.
Duhet të bëhet konsultim kuptimplotë para se të miratohen. Legjislacioni s’duhet të jetë vetëm teknikisht i saktë, por në përputhje me nevojat e qytetarëve. Duhet të kemi një qasje që të përfshijë gjithë shoqërinë dhe këto reforma bëhen më të realizueshme. Parlamenti ka një rol kyç për ta realizuar një gjë të tillë. Një parlament transparent është një shtyllë e rëndësishme e një demokracie të shëndoshë”, tha ambasadorja.
