TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Max Verstappen arriti një tjetër fitore të rëndësishme duke triumfuar në Çmimin e Madh të Italisë, përpara dyshes së McLaren, Lando Norris dhe Oscar Piastri.
Pavarësisht suksesit të holandezit, Piastri mbetet lider në renditjen e përgjithshme, por diferenca me Norrisin është ngushtuar, duke e bërë edhe më të ashpër garën për titullin botëror.
Verstappen e nisi garën nga “pole position” dhe e mbajti epërsinë, megjithëse në momentet e para u përplas me Norrisin, duke e detyruar këtë të fundit të dilte jashtë pistës dhe më pas të rikthente pozicionin e parë.
LAP 4/53
Verstappen retakes the lead!! #F1 #ItalianGP pic.twitter.com/bInNTaLkR2
— Formula 1 (@F1) September 7, 2025
Në xhiron e katërt, Verstappen e kaloi sërish britanikun dhe prej aty e deri në fund e rriti gradualisht avantazhin ndaj McLaren.
Strategjia e ndërrimit të gomave u bë vendimtare. Verstappen ndaloi në xhiron e 38-të për të marrë goma të forta, ndërsa McLaren priti për të vendosur mes alternativave.
LAP 47 & 48/53
Drama at McLaren ????
Piastri pits first followed by Norris the next lap but it’s a slow stop for the Briton and he loses track position to his title rival! #F1 #ItalianGP pic.twitter.com/yVcdgUdCif
— Formula 1 (@F1) September 7, 2025
Në fund, skuadra i vendosi pilotëve të saj goma të buta, por një problem gjatë ndërrimit të gomave në makinën e Norrisit prishi gjithçka.
Plani i McLaren për ta sfiduar Verstappen në xhirot e fundit me goma më të shpejta dështoi, duke i dhënë holandezit një fitore të pastër.
The podium ceremony is always special at Monza ❤️#F1 #ItalianGP pic.twitter.com/Y6wbrw2mOw
— Formula 1 (@F1) September 7, 2025
Në renditjen e përgjithshme udhëheq Oscar Piastri me 324 pikë, i ndjekur nga Lando Norris me 293 pikë dhe Max Verstappen me 230 pikë.
