TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me Spanjën që “shtypi” Kroacinë dhe me Italinë që doli me tre pikë kundër Shqipërisë, situata në Grupin B nis të konfigurohet që pas sfidës së parë, me “Furinë e kuqe” dhe “azzurrët” që hedhin një hap të sigurt drejtë kalimit për më tej. Raundi i dytë pritet të thotë shumë, mbi të gjitha për Kroacinë dhe Shqipërinë, një ndeshje që për të dy ekipet bëhet jetike për vazhdimësinë në “Euro2024”, për këtë është i qartë edhe trajneri Dalic, i cili fillimisht i kërkoi ndjesë tifozëve për humbjen e pastër 3-0:
“I kërkoj ndjesë mijëra tifozëve kroat që erdhën deri këtu. Nuk është një nisje e mirë, por më duhet t’i bëjë komplimente edhe Spanjës për fitoren. Na mungoi energjia dhe agresiviteti. Do të analizojmë atë që ndodhi. Na mbeten edhe dy ndeshje në fazën e grupeve. Duhet të përqendrohemi tek ato dy ndeshje dhe të marrim 6 pikë”, u shpreh Dalic pas ndeshjes.
Me suksesin e pastër kundër Kroacisë, Spanja hedh menjëherë kandidaturën si favorite, por De La Fuente kërkon të mbajë ekipin me këmbë në tokë: “Jam shumë i lumtur. Ky grup është një familje e madhe, një grup me shumë ambicie. Gjithsesi, duhet të qëndrojmë me këmbë në tokë. E nisëm mirë, kjo fitore na jep pak siguri, por tani duhet të mendojmë për Italinë”, u shpreh De La Fuente.
