TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Etnik Brruti ishte risia e Silvinjos në listën e muajit mars, ku Kombëtarja luajti dy ndeshjet e para në kualifikueset e Botërorit 2026, kundër Anglisë dhe Andorrës.
Kuqezinjtë morën tri pikë, ndërsa mesfushori i Malishevës nuk u përdor nga trajneri, por i ndoqi ndeshjet nga tribuna. Megjithatë, Brruti është një nga lojtarët kryesorë te skuadra e Malishevës në Superligën e Kosovës, por pas grumbullimit nga Kombëtarja shqiptare dhe ikja nga Kosova U-21, ai ka përfunduar në stol.
Mesfushori nuk është preferuar nga trajneri i Malishevës, Bekim Isufi, edhe pse gjithë sezonin ka qenë një titullar fiks. Në pesë ndeshjet e fundit, ai ka luajtur vetëm një herë nga minuta e parë, ndërsa një herë nga stoli. Tri ndeshjet e tjera nuk ka zbritur fare në fushë.
