TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një takim do të zhvillohet në Liverpul dhe tema do të jetë Mohamed Salah. Në njërën anë janë ata që ofrojnë të dhëna dhe prova video që Salah është transferimi i duhur, nga ana tjetër është ish-trajneri i Liverpulit, Jyrgen Klop.
“Opsioni i preferuar i Jyrgen për atë verë ishte Julian Brand, i cili ishte një lojtar i shkëlqyer,” tregon ishdrejtori i kërkimit te Liverpuli, Ian Graham, i cili foli për “BBC Sport” si pjesë e një dokumentari të lëshuar në udhëtimin e Liverpulit në sezonin që fitoi Ligën e Kampioneve, 2018-19.
“Jyrgen e njihte shumë mirë Brandin, pasi vinte nga Bundesliga dhe e njihte shumë mirë tregun gjerman. Ne ramë dakord që Brand ishte një lojtar i ri shumë i mirë, por jo një lojtar i jashtëzakonshëm siç ishte Mo. Nga pikëpamja e analizës së të dhënave, Mo ishte i pari për nga kualiteti i sulmuesve të rinj në Evropë, pa dyshim.
Roma ishte nën presion për të shitur, sepse financat e tyre nuk ishin në një gjendje të mirë, prandaj e dinim që ai ishte në dispozicion për një çmim të mirë. Ai luante në rolin e sulmuesit dhe sulmuesit të krahut që na nevojitej, ndërsa Brand ishte më shumë një mesfushor ofensiv”. Graham shtoi:
“Është meritë e Jyrgen, që u përfshi në një debat të tillë në mënyrë të sinqertë dhe me sytë hapur duke thënë: ‘Ok, jam i hapur për t’u bindur, më trego se Mo është më i mirë”. Klop nuk kishte nevojë për shumë bindje dhe Liverpuli e transferoi Salahun nga Roma në qershor 2017 për 34 milionë paund.
