TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Maroku dhe Kroacia janë ndarë në barazim gjatë kësaj sfide të sotme e cila startoi në orën 11:00.
Kroatët ishin favorit në letër për këtë ndeshje, por Maroku ka mundur t’i bëj ballë Modric dhe shokëve të tij të ekipit. Pjesa e parë nuk ishte shumë intensive, ku të dyja ekipet tentuan nga 4 herë secila për të provokuar golin, gjë e cila nuk erdhi.
Pjesa e dytë ishte një dominim total nga kroatët, ku edhe përqindja e mbajtjes së topit ishte dukshëm në favorin e tyre. Shumë tentative për të krijuar raste, por asnjëra nuk rezultoi efektiv.
Kronika
Ishte minuta e 17-të kur u krijua rasti i parë serioz në ndeshje, me Ivan Perisin që nuk arriti të mposhte portierin maroken.
Kroacia më pas rrezikoi nëpërmjet Nikola Vlasic (45+1’), por gjuajtja e tij u ndal nga gardiani Bono.
Në pjesën e dytë, Maroku krijoi rastin e parë në minutën e 51-të, kur Noussair Mazraoui nuk ia doli ta mposhte nga afërsia Dominik Livakovic.
Dy skuadrat u munduan deri në fund që të shënonin golin e fitores, por që të dyja portat mbetën të paprekura, duke marrë secila nga një pikë.
Ndeshja e parë në Grupin F përfundoi pa fitues, derisa do të mësohet më pas edhe fati i takimit mes Belgjikës dhe Kanadasë.
