TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Bernardo Silva do të largohet nga Mançester Siti në fund të sezonit. Konfirmimi vjen nga Pep Lijnders, numri dy i Pep Guardiolës, i cili, në një konferencë për shtyp pas fitores 4-0 ndaj Liverpulit në Kupën FA, la të shpëtonte se 31-vjeçari portugez, kontrata e të cilit skadon më 30 qershor, nuk do të kthehet në Mançester pas Kupës së Botës.
“Çdo histori e mirë mbaron”, tha Lijnders në një konferencë për shtyp sepse Guardiola është i pezulluar. “Shpresoj që Bernardo të shijojë gjashtë javët e tij të fundit, që ai të ketë një fund të mirë sepse e meriton. Dhe ai meriton gjithë vëmendjen që mund të marrë”.
Silva mbërriti te Siti në verën e vitit 2017 nga Monako, në fund të sezonit të parë anglez të Guardiolës. Ai fitoi gjithçka me “Qytetarët”, duke u bërë menjëherë i pazëvendësueshëm. Juventusi është skuadra e parë që ka shprehur interes për portugezin, po ashtu në skenë janë shfaqur edhe Barcelona me PSG-në.
Ekzistojnë gjithashtu opsione më fitimprurëse të Ligës Saudite dhe MLS, ndoshta me Mesin në Inter Majemi.
