TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nikolas Xhekson u transferua në momentet e fundit nga Çelsi te Bajerni i Mynihut. Klubi bavarez ka paguar shtrenjtë për sulmuesin senegalez, i cili mezi pret të shpërblejë besimin e vendosur tek ai. Nikolas Xhekson mezi pret të nisë kapitullin e tij të ri te Bajerni.
“Premtoj të jap gjithçka: çdo minutë, çdo ndeshje, çdo seancë stërvitore. E di përgjegjësinë që sjell veshja e kësaj fanellë,” tha lojtari i huazuar vetëm pak ditë pas marrëveshjes së minutës së fundit. “Misioni im” është të “punoj fort, të ndihmoj ekipin të fitojë dhe të rritem çdo ditë,” shtoi 24-vjeçari, i cili iu bashkua kampionëve rekord të Gjermanisë nga Çelsi për një tarifë huazimi prej 16.5 milionë eurosh. Xhekson gjithashtu shfrytëzoi rastin për të falënderuar drejtuesit e Bajernit “për besimin që më kanë dhënë që në fillim.”
Ky transferim dominoi titujt e lajmeve ditën e fundit të merkatos: fillimisht, Çelsi dhe Bajerni arritën një marrëveshje, më pas “Blutë” e anuluan papritur marrëveshjen – vetëm për të arritur një ujdi pak para mbylljes së afatit. Vetë përforcimi i ri, megjithatë, thotë se “nuk ka dyshuar kurrë” se lëvizja do të realizohej.
“Për të qenë i sinqertë, unë dhe këshilltarët e mi ishim shumë të sigurt,” tha Xhekson, i cili “e mori me qetësi situatën.” Para transferimit, sulmuesi i përfaqësueses së Senegalit bisedoi me Sadio Mane. Xhekson i kërkoi gjithashtu këshilla ishyllit të Bajernit: “Sadio nuk është vetëm një legjendë për Senegalin, por edhe dikush që e admiroj. Ai na ka hapur shumë dyer. Shkëmbyem disa mesazhe kur diskutuam për transferimin tim.” Mane, i cili kaloi sezonin 2022/ 23 te Bajern, e “mbështeti plotësisht” atë në këtë hap, sipas Xhekson: “Ai më tha që Bajerni është një familje e madhe me kulturë fituese. Këshilla e tij ishte e thjeshtë: ‘Puno fort, qëndro me këmbë në tokë dhe ji vetvetja.’ Që ai ta thoshte këtë ka shumë rëndësi për mua.”.
