TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Karlo Ançeloti do të jetë trajneri i ri i Brazilit. Për këtë tekniku italian ka folur i emocionuar, ndërsa në prag është një ndeshje e madhe.
“Ndjenja ime është se në moshën 66-vjeçare do të jem trajner i Brazilit. Është një sfidë e madhe, por unë jam ende trajner i Realit dhe dua ta përfundoj mirë pjesën e fundit të kësaj aventure fantastike. Më duhet të mendoj për ditët që kam lënë këtu, për respekt për këtë ekip dhe tifozët e tij. Jam i fokusuar në pjesën e fundit të kësaj aventure spektakolare. Kur e kuptova se kishte mbaruar? Duhet të shikojmë faktet. Unë jam trajner i Realit deri në datën 25. Këtë e kuptova dje.
Klubi do të publikojë deklaratën kur të dojë. Nuk ka asnjë problem. Nuk e di kur do ta bëjnë, do ta bëjnë kur ta shohin të arsyeshme. Nuk ka asgjë për të shtuar.
Alonso? Unë e dua shumë. Nuk kam asnjë këshillë për t’i dhënë, sepse ai i ka të gjitha mjetet për t’u bërë një trajner i madh në të ardhmen.
Jam shumë i lumtur, por nuk dua të shpjegoj këtu, sepse kam fanellën e Madridit deri në datën 25 dhe kam shumë respekt për klubin. Unë dua ta respektoj atë deri në ditën e fundit. Doja të fitoja kampionatin, Champions, por kështu shkoi. Unë jam ende shumë i lumtur”, u shpreh Ançeloti.
