TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Bajerni i Munihut ka fundosur më shumë Barcelonën pasi e mposhti me rezultatin 3-0 në "Allianz Arena" dhe ka bërë që katalanasit të mos shkojnë më tej në Champions League. Bavarezët triumfuan në një ndeshje ku Barcelona nuk dha asgjë.
Siparin e golave e hapi Tomas Myller në minutën e 34-t të takimit, ndërsa rezultatin e dyfishoi Leroy Sane. Rezultatin final e vulosi Musala në pjesën e dytë të takimit duke dhënë edhe goditjen finale për katalanasit.
Kështu në grupin E, bashkë me Bajernin u kualifikua edhe Benfika që mposhti me rezultatin 2-0 Dinamon e Kievit. Golat e Yaremchuk dhe Gilberto mjaftuan për portugezët që arritën në kuotën e tetë pikëve, një më shumë se Barcelona që do të shkojë në Europa League.
Në ndeshje të tjera, Mançester Junaitid u ndal në një barazim 1-1 ndaj Jang Bojs. Ekipi i Rangnik nuk e ruajti dot avantazhin që mori pas golit të Greenwood dhe gjithçka u baraspeshua nga Rieder në fundin e pjesës së parë. Megjithatë, ata kualifikohen si të parët e grupit F.
