TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Për herë të parë pas nëntë vitesh Juventus zbret në fushë me një objektiv ndryshe, nuk i duhet të mbrojë titullin kampion, pronë e Inter, por i duhet ta rifitojë atë.
Në shtëpinë e “Zonjës së Vjetër” ky është një objektiv fiks në çdo fillim sezoni, asgjë nuk ndryshon as këtë herë ku misioni nis në transfertë përballë Undineses.
Interesimi është i madhe për të parë në aksion ekipin e ri të Max Allegrit por pas dy vitesh pushim, shumë pak gjëra kanë ndryshuar:
“Juve niset gjithnjë për të fituar në çdo kompeticion ku merr pjesë.
A jemi ne favoritë?
Zakonisht favorit është skuadra që ka fituar, ne jemi mes ekipeve pretendente”, theksoi Allegri në konferencën zyrtare duke u ndal më pas tek tema më e nxehtë, a do të qëndrojë C.Ronaldo?
“Është në dispozicion të ekipit. Ronaldo është një vlerë e shtuar për ne pasi na garanton një numër të lartë golash.
Ai është stërvitur mirë, zhurmat i kam lexuar vetëm në media.
Nuk na ka thënë kurrë se do të largohet, përkundrazi, po e them që ta mbyllim këtë diskutim, ai më ka thënë se dëshiron të qëndrojë”, u shpreh ndër të tjera Allegri i cili zbuloi se nëse Dybala do të zbres në fushë si titullarë do të jetë ai kapiteni i Juves.
