TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pasi "Nisma Thurje" e përjashtoi nga projekti i tyre politik, Rudina Hajdari duket se nuk e ka pranuar dot këtë realitet dhe ka deklaruar se projekti për "Nismën" vijon dhe se nuk ka informacion nëse "Thurja" është tërhequr nga projekti.
Pra, me këtë deklaratë qesharake, duket sikur projektin e ka ideuar Rudina Hajdari dhe "Nisma Thurje" të cilën ajo tani e quan vetëm, "Thurja", mund t'i bashkohet ose jo këtij projekti.
“Levizja e re qe po krijojme quhet Nisma dhe pjese e saj jane edhe aktiviste te Nismes Thurje por jo vetem. Jemi nje grupim i larmishem profesionistesh e qytetaret te cilet po kerkojme ndryshim. Nuk e kam ndjekur deklaraten e Panos, por nga komunikimet qe kam patur me drejtues te Thurjes, nuk di te kete terheqje nga projekti. Me vjen mire qe ajo qe po bejme ka kaq shume interes dhe ngjall kaq shume debat ne shoqeri. Ky eshte tregues se po lind dicka e shendetshme”, ka deklaruar për Fax News deputetja Hajdari.
Në fakt, Rudina Hajdari që prej fillimit, u fut si një "mish i huaj" në këtë lëvizje, duke mos patur asnjë lidhje me vizionin e saj, aktivizmin pa interesa politike dhe familjare dhe me të gjitha aksionet ndër vite që "Nisma Thurje" ka ndërmarrë sëbashku me qytetarët. Por, deliri i Hajdarit është kaq i madh, sa sot duket se ajo ka përvetësuar "Nismëm", duke i lënë opsion "Thurjes" të bashkohet ose jo në projektin e saj dhe "profesionistët e larmishëm", përfshirë edhe Besjan Peshën, që e ndjekin Rudinën dhe mezi po presin që ajo t'i drejtojë.
Kujtojmë se përpara votimit të ndryshimeve në Kodin Zgjedhor, qarkulluan fotografi në rrjetet sociale, ku pretendohet se shfaqet Rudina Hajdari duke hyrë në kryeministri. Hajdari nuk i adresoi asnjëherë këto zëra, duke i shtuar aludimet se "Nisma" që po përvetëson Rudina, e ka një aprovim edhe nga "lart".
/TPZ.al/
LEXO EDHE:
https://www.tpz.al/2020/10/06/nisma-thurje-perjashton-rudina-hajdarin-votimi-i-kodit-zgjedhor-sjell-divorcin-mes-tyre/
