TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Për herë të parë që prej pacientit zero në mars të këtij viti në Fier është shënuar numri më i lartë deri më sot i të infektuarve me Covid 34 në 24 orë.
Sipas raportimit ditor të Ministrisë së Shëndetësisë gjatë 24 orëve të fundit u konfirmuan 34 raste me koronavirus duke bërë që qyteti i Fierit të renditet i dyti menjëherë pas Tiranës, për numrin më të lartë të të infektuarve.
Gazetarja Valbona Davidhi raportoi për ABC News se në 34 rastet e konfirmuara me virusin e ri, janë identifikuar një mjeke 34-vjeçe nga Patosi e cila punon në Urgjencën e Spitalit të Fierit, një mësues në shkollën “Mustafa Matohiti”, një edukatore në kopshtin nr. 4 në Fier, një mësues në shkollën e mesme “Perikli Ikonomi”, një punonjëse burgu dhe një punonjëse policie.
Pjesa tjetër e të infektuarve janë identifikuar në ndërmarrje fasonerie si dhe një kompani tjetër.
Dita e sotme ka shënuar një numër rekord të infektuarish nga Covid-19 që prej fillimit të epidemisë.
Ministria e Shëndetësisë ka raportuar se janë kryer 1402 testime në 24 orët e fundit, nga të cilët kanë rezultuar pozitivë 289 qytetarë të prekur nga virusi SARS-COV2 si dhe janë shënuar katër viktima.
