TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pasi vizitoi më tre dhjetor kampin e Manzës, ku janë vendosur banorët e prekur nga tërmeti, kryetari I PD-së Lulzim Basha është rikthyer sërish në këtë vend sot.
Teksa ka dëgjuar shqetësimet dhe ankesat e banorëve, Basha bëri thirrje që qeveria të ndërhyjë për t’u gjetur një zgjidhje për këta qytetarë, të cilët më parë jetonin me qira.
Banorët tregojnë të revoltuar se disa i kanë larguar nga çadra, ndërsa për ta nuk kanë asnjë kujdes, ndërsa u duhet të jetojnë mes ujit dhe baltës nëpër çadra.
“Ne nuk na jepet asnjë zgjidhje. Na thanë se do t’ju evakuojmë, por asgjë”, – thotë një banor, duke i shpjeguar kreut të opozitës sesi bëhet seleksionimi i padrejtë.
“Kemi ngelur ne që jemi me qira”, – thotë një tjetër qytetar, i cili prej dy javësh po jeton në kushte johumane, bashkë me familjen.
Një nënë tregon me lot në sy se i ka humbur shpresat pas kalimit të dy javëve dhe lënies në mëshirë të fatit.
“Asnjë dallimi nuk duhet bërë. Tërmeti njësoj i ka goditur edhe pronarët edhe qiraxhinjtë.
Ja ku janë shkollat, të futen aty, nuk mund të vazhdojnë të rrinë në çadra”, -u shpreh Basha, duke kërkuar zgjidhje urgjente. Banorët nuk e fshehin revoltën e tyre, kur treguan sesi Edi Rama nuk i kishte takuar dhe kishte shkuar vetëm tek shkolla e fshatit.
"Erdhi si hajdut dhe u fut atje të shkolla. Asgjë nuk na pa. Nuk erdhi fare në kamp”.- tha njëri prej banorëve.
Kreu i opozitës, teksa u pohoi se banorëve se në ato çadra nuk mund të rrinte as qeni, tentoi të komunikojë me Shtabin e Emergjencës, i vendosur në shkollën e Manzës. Siç shihet edhe nga pamjet në video, dera ishte e mbyllur.
