TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Franca po përjeton një “thatësirë të jashtëzakonshme dhe shumë shqetësuese”, u tha gazetarëve Ministrja Franceze për Tranzicionin Ekologjik, Monique Barbou, menjëherë pas një takimi të njësisë së menaxhimit të krizave të ministrisë së saj.
Siç deklaroi ministrja, në 99 rajone të vendit ka kufizime në përdorimin e ujit, pjesërisht ose plotësisht, ndërsa 43 prej tyre janë në nivel krize, ku uji rezervohet për përdorime prioritare. "Po përjetojmë një thatësirë që është e jashtëzakonshme si në mbërritjen e saj të hershme, pothuajse një muaj më herët se sa kemi parë deri më tani, ashtu edhe në intensitetin e saj”, tha Monique Barbou.
“Ajo që e bën situatën shumë shqetësuese është se kjo po ndodh ndërsa reshjet e pranverës kanë qenë përgjithësisht brenda kufijve normalë”, theksoi Barbou, duke vënë në dukje se ndryshimi i klimës po shkakton “një ndërprerje të thellë të ciklit të ujit”. “Toka është e para që preket me nivele lagështie veçanërisht të ulëta dhe afër niveleve historike më të ulëta”, shpjegoi ajo.
Ministrja theksoi më tej se “rrjedhat e ujit janë burimi kryesor i shqetësimit. Që nga fillimi i qershorit, rrjedhat mujore janë ulur me shpejtësi në të gjithë vendin dhe pothuajse një e treta e pikave të monitorimit janë në nivele nën minimumin e vëzhguar në njëzet vitet e fundit”. “Një e katërta e përrenjve të vegjël tani janë plotësisht të tharë. Kjo është një situatë e paprecedentë që nga zbatimi i monitorimit kombëtar në vitin 2012”, përfundoi Barbou.
