TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sulmet kundër Iranit "do të vazhdojnë derisa unë të them mjaft". Në intervistën për Fox News, presidenti Donald Trump ka theksuar se "herët a vonë" Shtetet e Bashkuara do të godasin objektivat e sektorit energjetik.
"Energjinë do ta lë për në fund. Javën e ardhshme do të godasim termocentralet dhe urat. Do t'i shkatërrojmë të gjitha urat e tyre, përveçse nëse ulen në tryezën e negociatave.", theksoi Trump.
Ngushtica e Hormuzit është e hapur, por jo për Iranin, tha presidenti amerikan duke shtuar se ngushtica është e hapur për ata që duan ta kalojnë.
"Zyrtarët amerikanë folën sot me Iranin: i thanë Teheranit se do të ishte më mirë të arrinte një marrëveshje”, vijoi ai duke e përkufizuar si zgjidhjen “e vetme” për Iranin.
Por ndërkohë Garda Revolucionare Iraniane njoftoi se Ngushtica e Hormuzit do të mbetet e mbyllur derisa të ndalen "aktet e agresionit amerikan". Pasdaranët kërcënuan gjithashtu se do të bllokojnë edhe rrugë të tjera strategjike për eksportin e naftës dhe gazit, të cilat "u shërbejnë Shteteve të Bashkuara dhe aleatëve të tyre".
"Eksportet e naftës dhe gazit ose do të jenë të arritshme për të gjithë, ose nuk do të jenë për askënd", thonë Pasdaranët.
Sulmet e tyre shënjestruan objektivat amerikane në Bahrein, Jordani dhe Kuvajt.
