TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mjeku infeksionist Pëllumb Pipero në një intervistë për “Abc e Mëngjesit”, ka deklaruar se tashmë është koha që të hapemi.
Pipero në fjalën e tij me gazetarin Enkel Demi ka theksuar se në këtë fazë ku jemi virulenca dhe mënyra e transmetimit të virusit është në rënie, ndaj për këtë duhet të jemi më të guximshëm dhe fleksibël.
“Unë jam mbështetës për hapjen më të shpejtë në këtë fazë, unë mbështetet në disa indikatorë, që janë ato epidemiologjik ku shifrat janë në ulje dhe një numër i madh i pacientëve janë pa simptoma.
Pjesa më e madhe e të infektuarve nuk kanë samtoma, dje kemi pasur vetëm tre pacientë të shtruar, indikatorët klinikë na e bëjnë më të thjeshtë ta themi këtë. Nëse deri më tani fashat e orareve kanë qenë javore, tashmë duhet të jemi më të shpejtë dhe të guximshëm.
Hapja në këtë periudhë nuk na dëmton, por na ndihmon dhe me ekspozimin. Qytetarët duhet të ruajnë distancën, nëse i duhet të rrijë më shumë që 15 minuta të rrijë vetëm, virulenca ka rënë, transmetueshmëria ka rënë dhe ne duhet të jemi më fleksibël dhe të guximshëm” është shprehur Pipero.
Gjithashtu mjeku infeksionit ka theksuar se uji i detit nuk e transmeton virusin, por e rëndësishme është se nëse qytetarët do të infektohet duhet të shmangin sa të mundët ekspozimet në diell.
“Ky virus është vërtetuar nga studimet se nuk transmetohet përmes ujit aq më tepër nga uji i detit, por për fat të keq ne kur shkojmë në plazh shkojmë për qefin e botës jo tonin, distanca fizike duhet të ruhet dhe nëse infektohemi nuk duhet të ekspozohemi shumë,” ka thënë mjeku.
