TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndërkohë që presidenti i vendit, Ilir Meta, e ka quajtur sot hapur reformën në drejtësi, “ramaformë” dhe “koloni e tiranisë personale të një regjenti të një fondacioni botëror”, studiuesi Aurel Plasari, reagon duke thënë se këtë të vërtetë ai e përsërit prej 4 vitesh.
“Pres që, tanimë, të bëhen burra e të pranojnë që e quajtura “Reformë në Drejtësi” e një fondacioni të huaj privat e shpartalloi Republikën e Shqipërisë ndërsa ne po i numërojmë asaj partallet…”- shkruan në Facebook studiuesi Plasari.
Postimi i Plasarit:
MË NË FUND! U BËNË KATËR VITE QË E PËRSËRIS KËTË TË VËRTETË!
Pres që, tanimë, të bëhen burra e të pranojnë që e quajtura “Reformë në Drejtësi” e një fondacioni të huaj privat e shpartalloi Republikën e Shqipërisë ndërsa ne po i numërojmë asaj partallet…
fb a.p.
Ja cfare tha Meta per Reformen
Kush bëri lojë me KED ku Ilir Meta ishte President edhe thirri drejtuesit e delegacionit evropian për ti bërë të qartë që mos përsëriteshin problemet e 2016, pasi ramë dakord për çdo gjë, EURALIUS tha se ne nuk vijmë dot se kemi porosi politike.
Ta hetojë BE nga ishte kjo porosi politike. Dhe të shikojmë pse u kthye reforma në Ramaforme. Ramaforma është një koloni e tiranisë personale të një regjenti të një fondacioni botëror.
Shqiptarët nuk mund ta pranojnë këtë gjë, sepse Mujo Ulqinaku një ushtar i thjeshtë ishte dhe i doli Italisë. Prandaj shqiptarët çdo 7 prill nderojnë Mujon, jo mbretin. Kështu që unë kam hallin e 17, 18 tetorit. E gjithë jeta ime janë 3 gjera, e para demokracia, e panegociueshme.
E dyta është integrimi Evropian i Shqipërisë dhe po kështu e gjithë angazhimi im është Shqipëria faktor stabiliteti në Ballkan.
Kush e do Shqipërinë një Kolumbi në Evropë dhe një vend që të krijojë probleme në Ballkan mua më ka kundër, si President dhe si Ilir Meta.
